Información de utilidade

PROGRAMA
2022

Cómo chegar e onde aparacar

A feira celébrase no recinto Feiral de Pontevedra que está anexo ao Pazo da Cultura de Pontevedra. Xunto a ponte dos tirantes a carón do río Lérez. Non ten Perda!

Podes usar o aparcadoiro da explanada superior do Recinto Feiral, o aparcadoiro gratuíto fronte ao estadio dos deportes ou os aparcadoiros que atoparás nas dúas beiras do río Lérez.

Etiqueta Negra. ENTRADA

Feira Etiqueta Negra. ENTRADA

Aparcamento EXPOSITORES

Aparcamento para EXPOSIOTORES

Aparcamento VISITANTES

ZONA DE APARCAMENTO

Espazo Feiral

Estábicado no núcleo central da feira. Nos distintos stands poderanse atopar viños, licores, vermús, cervexas e outras bebidas sorprendentes como hidromel e refrescos 100% naturais, cafés, infusións, marmeladas, galletas, tortas, doces, xeados, produtos de quinta gama, aceites, queixos, patés, carnes, algas, caracois, embutidos, xamóns, conservas, legumes, salsas e aderezos, pans e empanadas e un sen fin de delicias que farán gozar ao padal.

Anfiteatro

Espazo onde se desenvolven os showcookings de cociña e outros eventos de máximo interese.

Espazo Etiqueta

Onde van ter lugar as actividades de formación e presentacións de produtos. Tamén é o lugar onde se van desenvolver os talleres de cociña. As actividades do Espazo Etiqueta requiren de inscrición previa que se realizará na propia feira. Os talleres requiren de inscrición e pago previo, a través da web etiquetanegragourmet.com.

Zona de Catas

Espazo que contará cunha intensa programación continua. Desde as 11.30 h horas, e en quendas de 30 minutos de duración, os produtores empregarán esta zona para as demostracións, degustacións e catas comentadas de produto. As actividades da Zona de Catas requiren de inscrición previa que se realizará na propia feira.

Zona de Comida

Como a feira ten horario ininterrumpido (o sábado e domingo de 11.00 a 21.00 h e o luns, ata as 20.00 h) para aquelas persoas que desexen pasar todo o día con nós descubrindo sabores, exquisiteces e rarezas, temos unha zona onde se poderá xantar e na que haberá foodtrucks con interesantes propostas.

Punto de Encontro Profesional

Etiqueta Negra é tamén unha gran plataforma de negocio para as empresas do sector. Neste espazo de uso exclusivo para os expositores e profesionais, e ao longo das tres xornadas de feira, desenvolveranse numerosas reunións dos expositores con exportadores, distribuidores, tendas gourmet, restauradores, etc, como apoio ao acceso en novos mercados e a expansión dos seus negocios.

INFORMACIÓN
XERAL

Prezo da entrada para 1 día: 3€ - Abono para 3 días: 5€
Actividades con capacidade limitada. Consulta en cada espazo a capacidade para cada actividade en particular.
As persoas menores de 16 anos non poden acceder ás actividades desenvolvidas na Zona de Catas e no Espazo Etiqueta.
As persoas menores de 18 anos non poden acceder ás actividades nas que se sirva alcohol ou á Viñoteca.
As persoas menores de 12 anos non pagan entrada á feira.

PASOS PARA ASISTIR ÁS ACTIVIDADES NA
ZONA DE CATAS e VIÑOTECA

Inscríbete na ZONA DE CATAS ou na VIÑOTECA
desde unha hora antes do inicio da cata.
Consulta a programación e os horarios.
Realizada a inscrición, é imprescindible que
TE PRESENTES na Zona de Catas ou na Viñoteca 5 minutos antes do comezo da actividade para ratificar a túa praza. De non ser así, disporemos da praza para a lista de espera.
Se estás na lista de espera, recomendámosche que acudas igualmente 5 minutos antes do comezo, por se finalmente houbese vacantes.

PASOS PARA ASISTIR ÁS
SESIÓNS DE TÉ

Cómpre inscribirse previamente na
TETERÍA DEPUTACIÓN PONTEVEDRA

PASOS PARA ASISTIR ÁS ACTIVIDADES DO
ESPAZO ETIQUETA

*Actividades gratuítas

Inscríbete no Espazo Etiqueta desde unha hora antes do inicio da actividade.
Realizada a inscrición, é imprescindible que te presentes no Espazo Etiqueta CINCO MINUTOS ANTES do comezo da actividade para ratificar a túa praza. De non ser así, disporemos da praza para a lista de espera.
Se estás na lista de espera, recomendámosche que acudas igualmente 5 minutos antes, por se finalmente houbese vacantes.

**Cursos e talleres de pago

Podes inscribirte e pagar a través da páxina web https://billeteira.etiquetanegragourmet.com/billeteira/ ou, se quedan vacantes, no propio Espazo Etiqueta desde unha hora antes do comezo da actividade.
Para participar no taller ou curso, deberás amosar
o ticket que che enviaremos por correo electrónico,
ben impreso ou ben no teu teléfono móbil ou tableta. Unha vez escaneado e validado o teu código QR poderás acceder.
Para non incorrer en retrasos, pregamos que te presentes no Espazo Etiqueta CINCO MINUTOS ANTES de que comece a actividade.
O prezo dos cursos NON INCLÚE O PREZO DA ENTRADA XERAL AO RECINTO.

Consulta todos os termos e condicións en www.etiquetanegragourmet.com/termos-e-condicions.